ЭШФ жазып беру мерзімдерін бұзушылыққа байланысты жауапкершілік туралы

2015 жылғы 3 желтоқсандағы № 432-V "Қазақстан Республикасының кейбір заңнамалық актілеріне салық салу және кедендік әкімшілендіру мәселелері бойынша өзгерістер мен толықтырулар енгізу туралы" Қазақстан Республикасының Заңымен Салық Кодексіне электрондық шот-фактураны жазып беру міндеттемесіне байланысты өзгерістер енгізілген.

ҚР СК 263-бабының 2-тармағына қандай санаттағы азаматттар қай кезеңнен бастап шот-фактураларды электрондық нысанда жазып беруге міндетті болатынын белгілейтін ережелер қосылған.

2016 жылы қантар айынан бастап уәкілетті экономикалық операторлар шот-фактураларды электрондық нысанда жазып беруге міндетті.

2016 жылы шілде айынан бастап сондай-ақ кеден өкілдері, кедендік тасымалдаушылар, уақытша сақтау қоймаларының иелері, кедендік қоймалардың иелері шот-фактураларды электрондық нысанда жазып береді.

2017 жылдан бастап барлық салық төлеушілерінің шот-фактураларды электрондық нысанда жазып беру міндеттемесі пайда болады.